| BETI ARGI's profileBeti Argi BandaPhotosBlogLists |  Tools  Help |
Beti Argi BandaOrdiziako Musika Banda 11/21/2009 Xexili Urtero bezala, etorri da Xexili ospatzeko unea. Gaugiro beroa gaurkoa, haize zakarra eta trajedunak zintzo-zintzo formazioan. Korbata laranjak, korbata berdeak eta firi-firi geratu gabe. Haurren patineteak, gurasoen salto nahiak... denek inguratzen dute Beti Argi eta Beti Argiren musikak laztantzen du etxean geratu garenon arima... Kondairak dioenez, V. mende inguruan, Santa Zeziliaren aktak agertu omen ziren latineraz eta mezaren hasieratan erabili ziren. Akta haien arabera, Zezilia Metelo senatore familiako birjina izan zen eta haurtzaroan bihurtu zen kristautasunera. Gurasoek Valerius edo Valeriano gazte paganoarekin ezkondu zuten eta, ezkontza burutu ondoren, bikotea bakarrik geratu zenean, Zeziliak birjintasuna Jaungoikoari eman ziola esan zion senarrari eta aingeru batek gordetzen zuela bere gorpua; Valerianok birjintasuna gordetzen saiatu behar zuen eta Zeziliak Via Apiara bidali zuen, hirugarren harria zegoen tokira, han Urbano I.a aita santuarekin elkartuko baitzen. Kondairak dioenez, horrela joan zen elkarrizketa:
 Esandakoa bete zuen Valerianok eta Urbanoren bila joan zen; aita santuak bataiatu zuen eta Valeriano kristau eginda itzuli zen Zeziliarengana. Orduan, aingerua agertu zitzaien eta biak koroatu zituen. Tiburtzio, Valerianoren anaia inguratu zitzaien eta bera ere kristautasunera bihurtu zen; elkarrekin bizi ziren denak, garbitasun osoan. Turcio Almaquio prefektuak heriotza-zigorra eman zien bi anaiei eta Maximo funtzionarioa izendatu zuen sententzia betetzeko, baina bera ere kristautasunera bihurtu zen eta bi anaiekin batera martirizatu zuten. Zeziliak hilobi kristau batera eraman zituen gorpuak, baina berari ere jazartzen ari zitzaizkion. Bere etxeko bainugelan itota hiltzera kondenatu zuten, baina ez zen hil. Orduna hura irakiten jarri zuten, baina honek ere ez zion minik eragin eta kantatzen hasi zen, lasai-lasai. Prefektuak, dekapitatzeko agindu zuen eta 3 alditan astindu zuten ezpata, baina ezin izan zuten burua enborretik aldendu. Funtzionarioak, hura ikustean, alde egin zuen beldurtuta eta birjina odoletan geratu zen. Zeziliak beste 3 egun iraun zuen bizirik. Limosna partitu zien behartsuei eta, bera hil eta gero, bere etxea tenplo bihurtzeko agindu zuen. Urbanok Kalistoren katakunban eman zion lur, apezpiku eta kristau elizako goi mailakoen hilobian.Kondaira honek, V. eta V. mendeetan bildu ziren beste hainbat kondairak bezala, ez du inongo balio historikorik. Historialariek Valeriano eta Tiburtzio benetako martire kristauak izan zitezkeela uste dute, baina Zezilia mitoa izan zelakoan daude. Santa Zeziliaren Akta hauek agertu ziren arte ez dira inon agertzen. Gaur egun basilika dagoen tokia, Santa Zezilia in Trastévere, lehen etxe partikularra zen tokian dago. Agian donazioa izango zen. Inguruan, Bona Dea Restituta tenploa dago eta itsuak sendatzen zituen jainkosari dedikatuta dago. Latineraz, itsua cæcitas esaten da Cæciliaren oso antzeko hitza. Horrela izan ote zen?  Eguna ere Zeziliaren jaiotza edo heriotzaren data dela sinetsi izan da, baina hori oso ilun dago oraindik. Zenbaiten ustez martirioa 177an izan zen eta, beste batzuen ustez, berriz, IV. mendearen erdialdean. .jpg)
Santa Zezilia, Trasteveren, Madernak ikusi zuen bezala
1599an, Maderna eskultoreari utzi zioten Zeziliaren gorpua ikusten eta basilikan gordetzen den marmolezko estatua bat egin zuen ikusi zuena irudikatuz. Estatuaren oinean, eskultorearen inskripzioa ikus dezakegu:
Eta ondoren hasi zen Zeziliari sekula joko ez zuen intrumenturen bat eransteko ohitura. Eta nori inporta zaio? Guk Beti Argi entzuteko aukera izan dugu! Segi horrela Beti Argi!  7/28/2009 Ordiziako festakOraindik Beti Argiko bandoleroren bat ohean izango da, zurrunka. Festak bukatu berri dira eta iluntzero izan dira gau berriaren anuntzioa egiten.
Bero izan dugu festetan, atzo zerua lainotuta izan bazen ere. Euri tantek ez ziren oizan bare izugarri bat Ordiziako kaleetan paseatzeko. Beasaindarrak saltoka jatasu. Ordiziarrak ere bai. Festak bukatu dira eta datorren urtean gehiago. Beti Alai segi, Beti Alai! Udako KontzertuaAbisatuta zegoen, baina jende askok kontzertua zegoenik ez zekien. Poztu ginen horrelako pieza alaiak entzutean, ordu berri batean, iluntzeko poteo garaian... Zortea gurea, disfrutatzerik izan genuelako! 6/14/2009 KorpusKorpuseko kontzertua Aurtengoan, munizipalek zintzo-zintzo zaindu dute motoen irteera eta bandaren ibilbideak talka egin ez dezaten. Ordiziak bere handitasuna jakin du erakusten, tipo askotako jendearen gustuak bideratuz eta asko estimatzen dugun pluralitatea azalduz. Hortxe etorri ziren beltzez jantzitako melenudoak, harro-harro bere moto dizdiratsuetan. Aldi beretsuan, txikiteroek ere izan zuten bere tokia, tabernaz taberna, kantu eta pote. Gaztetxean ere kontzertua antolatu zuten. Elizak, osteguneko Korpusa ospatu behar du gaur... Bazen ezkontza bat. Baita kinto afari bat ere... Eta denentzako tokia izan da Ordizian, ez moto hotsak, ez goizeko kanpaiek, ez gaueko rock&rollak, ez kaleetako belarrak, enbarazorik egin gabe. Atzo Infernurako autobidea eta gaur Gloria eta Speedy Gonzalez... Azken ikuitua, ikuitu dotorea, Beti Argik emango dio asteburu berezi honi. Elegante geratu ziren, bai ostiralean eta baita larunbatean ere, Do The Twan, eta zer esanik ez, The Bon Scott Band. Ordiziako plaza jendez lepo zegoen, bai motodunak eta baita gabeak ere! Bilborako AC/DCren sarrerak lortzen oso zailak izan baziren, Ordiziak aproximazio hau erreztu zuen edonorentzat! Zer zen hori! Hura jaia! Datorren urterako zerbait eskatuko banu, Beti Argik, moto pila irtetzen denean igande goizean, Kale Nagusian lelo bereziren bat jotzea izango litzateke, udaletxe parean. Aurten ez bezala, datorren urtean, erabat txukunduta izango dugu gune hori eta moteroek merezimenduak egin dituzte. Agur bat, egun espezialak egiten lagundu duten barduliar horientzat. Ave! Gaurkoa ere ez da gutxiago izango. Prozesioaren ondoren, Beti Argiren kontzertua izango dugu ikuskizun. Hementxe duzue Beti Argiren gaurko egitaraua:
Musika I Poble (pasodoble de concierto) F. FERRAN
Mozart Po Symphony Konp.: T. SAHASHI España Cañi (pasodoble) P. MARQUINA Las Leandras (schottisch) F. ALONSO Las Leandras (pasacalle) F. ALONSO A Ray Charles Anthology konp. J. MINNEBO
In The Mood A. RAZAF - J. GARLAND
Speedy Gonzalez (twist) B. KAYE
Zuzendaria: JOSUNE AIERBE
Garai honetarako badakigu bukaerarako erregalito bat ere badutela, beti bezala. Ez dago, beraz, "Beste bat" oihu egin beharrik. Txalo jotzeearekin nahikoa da!
Ondo pasa, maxpasa! 3/15/2009 San JoseDatorren astean izango da San Jose eta Beti Argik lanak aurreratuko ditu oraingo honetan. Hementxe duzue egitaraua:
San Josetako kontzertua
Tercio de Quites R. TALÉNS
Ross Roy J. DE HAAN Toreador March G. BIZET La Parranda F. ALONSO Granada Danse du Sabre KHATCHATURIAN
Qué rico el mambo P. PRADO
Pops In The Spots
Can´t Take My Eyes Off You CREWE-GAUDIO DE MEY
Zuzendaria: JOSUNE AIERBE
Beti bezalako jaia izango dugu ordiziarrok egun honetan.
San Jose egunean, berriz, gure bandoleroak Andorrara joateko idean dira, asteburu pasa. Merezi duzue! Ondo pasa!
1/2/2009 KattalinDotore baino dotereago atera zen gure banda urte zaharrean. (Lastima oraingo honetan ez daukagula argazkirik!) Zaharren Egoitzan egon ondoren, tabernatik tabernara jarri zuten musika "elegante" jantzitako bandolero pilak eta 2008 ondo agurtuta geratu zen. Iazko kontuak, beraz! Faltan bota zuten Oiangu tabernan hartzen zuten merienda eta atsedena, ez baitu inork hartu haiek utzitakoaren ordea, baina aurrera egin zuten hala ere eta ordiziarrok eskertu genuen hori.
2009an ere ez dugu gutxiago espero. Ea elkarteren batean meriendatxoa antolatzen dugun! 12/25/2008 2008ko EguberriakUrtea bukatzear dagoen honetan, Eguberri hotz-hotzak tokatu zaizkigu. Hamarrak pasa bezain laster hasi dira komando urdinak udaletxe aurrean biltzen. Ez zen inor asko kalean, edo, behintzat, ez zegoen inor asko kaleko hotzari desafio egiteko prest. Berehala osatu dute errenkada, perkusioa aurrean, Tubak, tronpak, tronboiak, bonbardinoak, tronpetak, saxoak, klarineteak eta rekintoa eta, amaitzeko, xirulak.
Betiko jira egin dute eta gosaltzera joan dira. Ordubaterako prest zegoen berriro ere saltsa! Plaza jendez lepo oraingo honetan eta eguzkiaren izpiek eszenategi gozo bihurtu dute Ordiziako enparantza. Hauxe izan da egitaraua:
El fallero (pasacalle) J. SERRANO Colonel Bogey March KONP. E. OSTERLING Mendirik mendi J.A. ERAUSKIN Rag Gallop A. REED Abba Forever KONP. J.G. Mortimer Christmix S. WELTERS Haurtxo maite HERRIKOIA-BAKARLARIA: J.J. GÓMEZ Feliz Navidad KONP. R. VAN DER VELDEZuzendaria: JOSUNE AIERBE Aupa, Beti Argi! 12/1/2008 MIKEL LABOA hil da
11/21/2008 XexiliAspaldi honetan Beti Argi ez dugu ikusi, baina fin-fin entzuten ditugu entsaioak astebururo, ondo egindako lanaren konstantzia utziz.
Gaurkoan, eta eguraldi txarrari irrifar eginez, biharko Santa Zezilia ospatuko dute. Afaria eta algara ere izango dute, baina gehienok irrikaz ikusi nahian jarri gaituna zera da: estreno mundiala. Bai, ondo esan dugu, korbata berde eta laranjak estrenatuko ditu Beti Argik gaurkoan! Urte askotarako, bandoleros! 7/24/2008 Ordiziako festak: DanborradaAurreko igandean izan zen Ordizian Haurren Danborrada. Euria desafioka aritu zitzaigun, baina eutsi zion eta lasaiago aritu ziren gure bandoleroak lainopean. Ederra atera zen eta herri osoak lagundu zuen, beti bezala, ikuskizuna.
Gaur, berriz, helduen Danborrada izango dugu. Berriz ere lainoak nagusi, baina jai gogoa ezin itzali. Aupa, Beti Argi! Hasi besterik ez da egin! 6/28/2008 UDAKO KONTZERTUAUda etorri da eta, aurtengoan Beti Argik urteroko zita aurreratu egin digu.
Gaur, San Pedro bezpera, 23:00etan izango da kontzertua.
Ez digute egitaraua argitu, baina dantzarako prest joateko eskatu digute. Dorrean egiten ari diren entsaioetan pasodoble batzuk entzun ditugu...
Badakigu emanaldi aparta izango dela gaurkoa ere! Aupa Beti Argi!
Ordiziako Musika Eskolak 25 urte: Golden Apple QuartetAtzo Golden Apple Quartet, Donostiako laukoak, Herri Antzokian abestu zuen lehen aldiz. Bukatu berria da ikasturtea, eta urte honetan guztian zehar Ordiziako Musika Eskolak bere 25. urteurrena ospatzeko ekitaldi ugari antolatu du. Atzokoak itxi zuen ospakizunen zerrenda.
1986an sortutako taldeak musika, umorea eta errespetua uztartzen ditu. Loiola Garmendiak, Eduardo Errondosorok, Manuel Romanok eta Enrique Otxoak osatzen duten laukoa ezaguna da oso musikaren munduan. Hamaika emanaldi eta ekitalditan parte hartu du Golden Apple Quartetek, eta haien ahots-joko, xelebrekeria eta erritmoarekin entzuleak bereganatzen iaioak direla erakutsi dute. Ordiziako Musika Eskolak gonbidapen ugari banatu zuen guraso, lankide eta erakundeen artean eta gonbidatuek ez zien muzin egin. Oso gustu ona utzi zuen Golden Apple Quartetek ikusleen artean eta gaztetxoenek traje beltzek ematen zuten seriostasuna hausten zela ikusi eta ikasi zuten. Gozamena izan zen han bildu ziren guztientzat. Ekitaldikoak ez badira ere, hementxe dituzue bideo batzuk: Ez zen giro atzo Ordizian! Inork ez zuen etxeratu nahi eta jende asko Garagardo Festara joan zen afaltzera; Musika Eskolakoek, berriz, Martinez jatetxean eman zioten bukaera urte luze eta aberats honi. Azken muturreraino zaindutako detaileak, gonbidatuen zerrenda atrilean, txartel dotoreak mahaian, lankideek jarri zuten giro goxoa… Urte askotarako oparotasuna opa dizuegu denoi! 6/4/2008 San Josetako kontzertuaren bideoakAtzeratuta gabiltza bideoekin...
Hementxe jarri ditugu San Jose eguneko kontzertuaren laburpenak. Ez dute oso kalitate ona, baina... Memorian gordetzeko, behintzat, balioko du. Bi ataletan banatuta dago. Badakizue... YouTuberen dohaineko 10 minutuak...
6/1/2008 Korpus IIGaur ere ez du eguraldiak lagundu eta Ordizia bustia eta lokaztua jaiki da. Jakintza ikastolako umeen eta gurasoen jokuak hezetasun handi batean egin dira. Mendizaleak gustura hurbildu dira enparantzako estalpera...
... eta Beti Argi fin-fin aritu da. Ezin izan dio herriari buelta eman, eurijasa ez baitzen atertzen, baina kontzertua hasi denean... Pasodobletik zartzuelara, Xalbadorren heriotza xirulan xuabe-xuabe hasi zaigu, Bésame muchorekin jendea dantza gogoz jarri da... Eta txalo hemen eta txalo han!
Dotore, beti bezala. Aupa Beti Argi!
Hementxe dituzue gaurko argazkiak.
5/28/2008 Korpus eguneko kontzertuaKorpusa pasatu zen aurreko asteko ostegunean, baina ertaroko azokarekin topo egiten zuen eta kontzertua atzeratu egin genuen. Dagoeneko, dena prest dago, eta hementxe aurreratzen dizuegu egitaraua:
Lekua: Ordiziako Enparantza Nagusian
Eguna: Igandea, ekainaren 1ean
Ordua: 13:00etan
La entrada (pasodoble), Q. ESQUEMBRE
La leyenda del beso (zarzuela), SOUTULLO Y VERT
Donostia (marcha), A. PEÑA y GOÑI
Glasnost, A. STRATFORD
Xalbadorren heriotzean, X. LETE
Bésame mucho, C. VELÁZQUEZ
Sing Sing Sing, L. PRIMA
Santana a Portrait, MOLD. G. GAZZANI
Zuzendaria: JOSUNE AIERBE
Beti bezain ederra izango delakoan gaude. Irrikitan igandearen zain! Hantxe izango gara eguerdiko ordubatean! Aupa, Beti Argi!
5/25/2008 Ertaroko azokaOrdiziak atzera egin du historian eta kaleek zocco itxura hartu dute.
Italiarrak bandera gora eta behera aritu dira, Urdanetaren Itzulbidaiaren ondorioz Manilako Galeoian etorritako espezia saila ikusi dugu, apartatu gara zaldunak pasatzean eta praile pila tabernaz taberna entzun ditugu gorgoritoak egiten.
Kaleetan usain berezia, torturatzeko gailu arraroak, Mari eta hankaluzeak, jendea barra-barra.
Eta musika.
Eta musika guztien artean, gure Beti Argi. Itxura aldaketak ez du Ordiziako banda ezezagun bihurtu eta, korbataren beharrik gabe, pega-pega egindako mailak dotore geratu zaizkie trobadoreei.
Aupa, Beti Argi. Bazen soinua gaur Ordizian, baina zuek ezin falta!
3/28/2008 Aste Santua, Reus eta Antonio StradivariEz daukagu berririk, baina badakigu gure bandolero batzuk Reusen izan direla, han dagoen bandoleroa bisitatzen...
Ez zen giro faltarik izango!
Oraindik ez dugu hango berririk jaso, baina, bitartean, albiste hau etorri zaigu eta...
Antonio Stradivari-k egin omen zuen bibolina 1700 urte inguruan. Orain milioi dolar baino gehiago ordainduko omen dute Christie's New York-en apirilaren 4rako antolatu duen enkantean... Ederki etorriko litzaioke Beti Argiri, Dorreako zokoren batean horrelako traste zaharren bat topatuko balu! Carla Bruni bilutsik agertzen den argazki bat ere subastatzekotan dira... Hainbeste paper zaharren artean ez ote dago horrelakorik? Trajeak berritu eta praka luzeago batzuk egingo lituzke; bokilak eta artilujioak, agian instrumentu berri batzuk... erosiko lituzke; agian, autobusa hartu eta norabait joango litzateke beste bandolero batzuk kontzentratzen diren tokira, bere artea konpartituz... Ai, ene! El cuento de la lechera ote?
Hementxe duzue esteka.
3/5/2008 San Jose: EgitarauaIritsi zaigu Beti Argik joko duen kontzertuaren egitaraua. Hementxe duzue:
Pamplona Feria del Toro (pasodoble), M. TURRILLAS Agua , Azucarillos y Aguardiente (zarzuela-selección), F. CHUECA Country and Western, H. L. WALTERS When Kings Go Forth, J. SWEARINGEN The Music of Charlie Chaplin, CHARLIE CHAPLIN (Arreglos de H. SCHNEIDESS) Yackety Sax, RICH/R. RANDOLPH (Arreglos de H. SCHNEIDESS) Copacabana, M. DE MEY Zuzendaria: JOSUNE AIERBE
San JoseEl sol de marzo pega con el mazo dio esaera zaharrak eta horrelaxe geunden, negua erabat ahazturik.
Baina etorri da ekaitza, hotza, haizearen baldarkeria... eta etorriko da San Jose.
Oraindik aste parea falta dela esango du zenbaitek, baina guretzako azkarrago iritsiko da, San Jose eguna Aste Santuko oporretan tokatzen baita aurten eta... Beti Argik asteburu honetara aurreratuko du ospakizuna.
Egitarau zehatzaren zain geratuko gara hemen, igande dotorea izango dugulakoan datorrena.
Aupa, Beti Argi! Irrikitan gaude zuen emanaldia disfrutatzeko! Negu ala udaberri, ez dugu huts egingo Ordiziako Enparantzan!
1/26/2008 KaldereroakHungariatik etorri zaizkigu kaldereroak. Ohitura zaharra berreskuratu zenetik, urtero-urtero etortzen dira, painolo eta sonbrailuak buruan, urrezko txanponak eta kateak zintzilika, zartaginak eta mailuak eskuan, kantari eta dantzari... Aurten bereziki nabaritu dugu hainbat ausentzia... Ez zaituztegu ahaztu... Beti Argik ez du faltatu. Hortxe izan da beti bezain alai eta zuzen. Burusoilak zirenak ile kizkur, bizarrik ez, baina patila beltzak hemen eta han, gona loredunak eta fularrak... Azterketak albora utzi, gero gerokoak, eta denak Qué bonito, qué paisaje-ri doinua jarriz. Oso ondo, Beti Argi! Primeran zaindu duzue ohitura zaharra!
|
||||
|
|
